ကျန်းမာရေးဝန်ကြီးဌာန၊   ဆေးသုတေသန ဦးစီးဌာန (အောက်မြန်မာပြည်)နှင့် 
ကိုရီးယားသမ္မတနိုင်ငံ၊ E.D.C.F  တို့  အမေရိကန်ဒေါ်လာ (၁၂.၆)  သန်းနှင့်ညီမျှသော  
ကိုရီးယားဝမ်ချေးငွေဖြင့်  (၃၁.၁၀.၂၀၀၀)ရက်နေ့တွင် သဘောတူစာချုပ် ချုပ်ဆိုခဲ့ပါသည်။
(၁၆.၁၀.၂၀၀၁)ရက်နေ့တွင်  Samsung Co., နှင့် စက်ရုံတည်ဆောက်ရေး ကန်ထရိုက်
စာချုပ်ချုပ်ဆိုကြပြီး Samsung Co., အစီ အစဉ်ဖြင့် Chiel Jedang Co., မှ
Turn Key စနစ်ဖြင့် တာဝန်ယူတည်ဆောက်ခဲ့ပါသည်။
၂၀၀၂ခုနှစ်၊ မေလ(၁)ရက်နေ့တွင် ပန္နက်ချ၍စက်ရုံ အဆောက်အဦများကို
စတင်တည်ဆောက်ခဲ့ပြီး ၂၀၀၅ခုနှစ်၊ ဒီဇင်ဘာလ (၇)ရက် နေ့တွင် FDA မှ
ဆေးဝါးထုတ်လုပ်ခွင့် လိုင်စင်ရရှိခဲ့ပါသည်။ ၂၀၀၆ ခုနှစ်၊ သြဂုတ်လ (၉)ရက်
နေ့တွင်  ဆေးသုတေသန ဦးစီးဌာန (အောက်မြန်မာပြည်)မှ အမှတ်(၁) စက်မှုဝန်ကြီးဌာနသို့
လွှဲပြောင်းပေးအပ်ခဲ့ပြီး ၂၀၀၇ ခုနှစ်၊ မေလတွင် အသည်းရောင်အသားဝါ(ဘီ) ကာကွယ်ဆေး
ထုတ်လုပ်မှုများ စတင်ခဲ့ပါ သည်။ (၄.၄.၂၀၁၂) ရက်နေ့တွင် ဆေးဝါးစက်ရုံ (အင်းစိန်)၏
ကြီးကြပ်ကွပ်ကဲမှုအောက်သို့  သွတ်သွင်း၍    အသည်းရောင်အသားဝါ(ဘီ) ကာကွယ်ဆေးများ
ထုတ်လုပ်ဖြန့်ဖြူး ရောင်းချလျက်ရှိပါသည်။ ပြည်တွင်း၌ ကိုဗစ်-၁၉ ရောဂါကာကွယ်ဆေးများ
ထုတ်လုပ်နိုင်ရေး ရေတို စီမံချက်ရေးဆွဲကာ ၂၀၂၂ခုနှစ်၊ မတ်လမှ ဩဂုတ်လအထိ
တရုတ်ပြည်သူ့ သမ္မတနိုင်ငံ၊ Sinopharm CNBG မှ RTF Bulk ဝယ်ယူ၍
MYANCOPHARM အမည်ဖြင့် ကိုဗစ်-၁၉ ရောဂါ ကာကွယ်ဆေးကို
ပုလင်းသွင်း ဖြည့်တင်းခြင်း၊ တံဆိပ်ကပ် ထုပ်ပိုးခြင်း (Fill/ Finish)
လုပ်ငန်းများအား အကောင်အထည်ဖေါ် ဆောင်ရွက်ခဲ့ပါသည်။
ဆေးဝါးစက်ရုံ(အင်းစိန်)၏ ဖွဲ့စည်းပုံအောက်တွင် ထည့်သွင်းဖွဲ့စည်းထားပါသည်။

အသည်းရောင်အသားဝါ(ဘီ)ကာကွယ်ဆေး

(၁) လူကြီးဒို့စ် (20 mg/ Vial)

(၂) ကလေးဒို့စ် (10 mg/ Vial)

ကိုဗစ်-၁၉ ရောဂါကာကွယ်ဆေး

MYANCOPHANE Covid-19 Vaccine (Vero Cell) Inactivated (5 Doese/Vial)